నీటమునిగిన పంటలను పరిశీలించిన శాస్త్రవేత్తలు, అధికారులు

తొండంగి(కాకినాడ): తొండంగి మండలంలోని పి. అగ్రహారం గ్రామంలో మండల వ్యవసాయ అధికారిణి, వ్యవసాయ శాఖ సిబ్బందితో కలిసి ఆచార్య ఎన్. జి. రంగా వ్యవసాయ విశ్వవిద్యాలయం శాస్త్రవేత్తలు పర్యటించారు. అర్నబ్‌, మురసు తుపానుల ప్రభావంతో కురిసిన వర్షాల కారణంగా నీట మునిగిన, వరి చేలను క్షేత్రస్థాయిలో పరిశీలించారు. రైతులు పొలాల్లోని నీటిని చిన్న చిన్న కాలువల ద్వారా బయటకు పంపించాలని, తెగుళ్లు సోకకుండా చర్యలు చేపట్టాలన్నారు. అదేవిధంగా తడిచిన గింజలపై మొలక రాకుండా, గింజ రంగు మారకుండా ఉండాలంటే 5% ఉప్పు ద్రావణాన్ని పిచికారీ చేయాలని శాస్త్రవేత్తలు రైతులకు సూచించారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.